काठमाडौं, आश्विन ४ -
सरकारले राउटेहरूलाई दसैं तिहार लगायतका चाडपर्व मनाउन राउटेहरूलाई ४ लाख रुपैयाँ सहयोग
गर्ने भएको छ । सरकारले दैलेख जिल्ला प्रशासन कार्यालयमार्फत् ४० राउटे परिवार लाई चाडपर्व मनाउन प्रतिपरिवार १० हजारका दरले सहयोग गर्ने निर्णय
गरेको जानकारी प्रधानमन्त्री तथा मन्त्रिपरिषद कार्यालयका सचिव शान्तराज
सुवेदीले दिए ।
उनका अनुसार अर्थमन्त्रालयले गृह मन्त्रालयलाई दैलेख जिल्ला
प्रशासनमार्फत् राउटेलाई सहयोग बाँड्न तत्काल निकासा गर्ने भएको छ ।
राउटेहरूले दसैंअगावै रकम पाउने गरी वितरण गर्ने व्यवस्था मिलाइएको छ ।
केही समयअघि राजधानी आएका राउटेहरूले प्रधानमन्त्री सुशील कोइरालालाई भेटी
चाडपर्व मानउनका लागि सहयोग गर्न आग्रह गरेका थिए । मन्त्रिपरिषदको बिहीबार
बसेको बैठकले प्रतिपरिवार १० हजारका दरले राउटेलाई सहयोग गर्ने निर्णय
गरेको छ ।
